Details

Latitude

25.234

Longitude

96.9165

Start Date

2017-02-11

End Date

2017-02-11

Transcription (La Ring) Ndai ya tsun na gaw e anhte ya tsun hti dan na gaw anhte Myitkyina Lay Kone shara gaiwang kaw na lit hkam Sara kaba Nlam Gam hte ningtau sara Sara Laza Lawt Nawng hpe shakawn shagrau ai sara shagrau ai ga shagawp re. Hkying mi jahku tsa shi kru ning October shata hkun masum ya bai du, sara shagrau poi kaba ndai nu wa hpung masha ni yawng du hkum sai, Karai a chyeju hpring ai nhtoi nan rai. Nu wa hpung masha ni kaji kaba yawng htung hkying shat lit hte sumbu kumhpa ni sa shagrau ya, sara ni yawng gaw mani sum sai hte chyeju kaba ngu hkap tau la, Anhte a sara kaba a shangai daidaw buga shagawng bumga, shagawng bum ga kaw nna pa layang ga de du yu wa sai. Myitkyina ga du yang mani sum sai amyu mying gaw nlam kasha mying gaw sara kaba sara kaba ndai gaw moi na mung dep ai ya na mung nyep ai, ndai sara kaba gaw moi na mung dep ai ya na mung nyep ai, mung man lam e let ai malut di kingyang gaw nmakret ai. Sara kaba gaw htung hkying lam hta mung ra nrawng sara gaiwang hta yawng kajai gumhkawng, akyu hpyi kaji kaba hta mung sara kaba shi ndung yang nngut mai, wenyi lam hta mung galoi nhprai. Nchye ai lam nga tim galoi nsan ga mung loi loi loili htan, kadai hpe mu tim mani sumsai galoi nrai pawt mung chye pawt ai. Nu num ni hte wa la ni yawng hpe mu yang hkap shala garu ga hkinru ga mung loi shaga ai asat ai hte asan ai ngu ai lahkawng nga ai. Hpung masha ni yawng gaw sara kaba hpe hkungga, sara ni hpungtau ni yawng a ningbaw gawng kung maga loi malawng sara kaba gaw akyu hpyi sa shaga ai du sai sara kaba mani sumsai hte hkap tau la sai. Nkam ai nga galoi ga ntsun ai. Sara kaba akyu hpyi ai kaw na du wa sai sara jan gaw mani sumsai ai hte hkap tau la ai sara kaba mung ba hkoi sai. Sara kaba hte sara jan kasha ni hpe hpaji sharin ya na matu lam woi ya kasha ni yawng gaw jan mau lu gup hkra jan mau gup ai sumla hte shakum she kum hkra, raitim ja gumhpraw gaw loi naw ning ra raitim hpa ntsang ra maigan du ai pyi nga. Sara jan hte sara kaba na tsawra myit kade ram kaba ai ngu ai gaw kanam kasha ni shadu jaw ai shat lu sha jawm sha, nmu ai nga ga galoi nshaga, sang hpaw si hkalung pa sau ai she na sai da. Ya ningtau sara Sara Laza Lawt Nawng hpung masha ni yawng hpe woi awn ningbaw, kadai hte mu tim mani sumsai pawt mung kachyi pyi nchye pawt ai, Nchye ai lam nga jang hkrun lam kaw hkrum tim san ga mung galoi nhtan ai. Ndai Sara Laza Lawt Nawng gaw shingyan hkum gu she nbawng ai yungwi gaw grai rawng ai. Ningtau sara gaw rai dinghku la gaw garai ntai asak gaw shi manga ning sha n-ga sai brang tung brang la ngu tim nshut sai. Myitkyina myu ga e Wunpawng shayi ni maigan shayi ni hpring tup rai nga ai raitim sara jan tai na zawn re shayi sha mi nnga, Sara Lawt Nawng e myit yu sawn yu yaw yu nna langai ma lawan kyet di u, wa shabawng hka ai zawn lawan kyet di u. Yet yet nga yang yat wa ai madu a na gaw galoi mung masawp dep ai. Grai chyeju kaba sai ndai ni gaw sara hpe shagrau ai ga shagawp re.

Sources